– Eg syns eg har fått eit veldig klart svar på kva folk vil, sa Wenche Hoftun frå Arbeidarpartiet.
Fleirtalet i kommunestyret stemte i dag, onsdag, nei til å halda folkeavstemming om legevaktplasseringa.
Framstegspartiet og Høgre argumenterte for å halda ei folkeavstemming.
– Som politikarar valt av folket, bør me høyra på folket, sa Tore Johan Prestegård frå Framstegspartiet.
– For lettvidt å avvisa eit krav om folkeavstemming, sa Høgres Ivar Tangeraas, sjølv om også han måtte innrømma at polikarane veit kva folk meiner om dei to legevaktalternativa.
Sosialistisk Venstrepartis Eli-Jorun Tangeraas var heller ikkje i tvil om kva saudabuen meiner og påpeika at ho meiner det derfor er unødvendig å bruka 100 000 kroner på ei folkeavstemming.
Innstillinga frå rådmannen om å seia nei til ei folkeavstemming blei vedtatt mot stemmene til Framstegspartiet og Høgre.