Jens Brokmann kjøpte Sauda Fjordhotell for eit år sidan. Etter ein tung start, går det sakte, men sikkert rette vegen. I førre veke kom det historiske hotellet på ei liste over dei 200 beste hotella i landet.
Nettsida nettavisen.no har kåra dei 200 beste stadane å overnatte i Noreg, og Sauda Fjordhotell er eit av hotella i Rogaland som tronar på lista. «Et tradisjonsrikt og velholdt hotell med svært god beliggenhet. Restauranten har tradisjonell norsk mat og det hele oser norsk historie», står det i omtalen.
– Me er stolte over denne plasseringa. Det er veldig positivt, seier hotellsjefen nøgd.
I 2012 var det registrert 1 102 hotell i Noreg, og inne på reservasjonssida booking.com er det oppført 2 875 overnattingsstader.
Sauda Fjordhotell opna i oktober i fjor etter å ha vore stengt i halvtanna år, og har med noko oppgradering vorte eit Best Western-hotell.
– Det går oppover. Det var vanskeleg å starte utan kundegrunnlag, så det var som ei nyetablering, sjølv om hotellet har vore i drift før. Ting tek tid, vedgår Jens Brokmann, men understrekar at det går i rett retning.
Les meir i papirutgåva eller last ned e-avis her.