I 02.30-tida natt til sundag stoppa vakthavande politibetjentar ein bil i Sauda sentrum. Då mannen blåste i måleapparatet til politiet blei det indikert at mannen hadde ein låg promille, tett ned mot den lovlege 0,2-promillen.
– Han blei tatt med til legevakta der det blei tatt blodprøve av han. Det er oppretta sak og me ventar på svar på blodprøvane, seier lensmann Siri F. Nedrebø.
Mannen, som er i trettiåra, har fått behalda førarkortet inntil vidare, ettersom promillen truleg ikkje har vore høg.