Torsdag ettermiddag kalla foreldreutvalet ved Risvoll skule inn til aktivitetskveld på ballplassen. Rundt rekna 150 små og store stilte opp for å visa sitt engasjement for framtida til skulen. Blant dei frammøtte var óg politikarar frå fleire parti og representantar for kommuneadministrasjonen. – Kvifor inviterer de til denne samlinga, FAU-leiar Janne Margrethe Aabø? – For å skapa blest kring skulen og synleggjera engasjementet kring denne. Det har gått rykte på folkemunne og me har lese i Ryfylke at framtida for Risvoll skule er ein del av prosessane i arbeidet til rådmannen med forslag til nytt kommunebudsjett, svarar Aabø. Foreldreutvalet har difor skrive eit ope brev til kommuneadministrasjonen, formannskapet, administrasjonsutvalet og KFU med eit forsvar for framtida til skulen i Saudasjøen. Dette brevet overrekte Aabø til varaordførar Laura Seltveit denne ettermiddagen. FAU-leiaren forsvarar varmt skulen «sin». Ho startar med å minna om at det ikkje er lenge sidan lokalpolitikarane vedtok at det skal vera tre barneskular i bygda. Når ytrabygdingane no høyrer ymt om ei mogleg nedlegging, viser ho
til at dette skaper utryggleik blant lærarar, foreldre og elevar, noko ho meiner er dårleg handverk av kommuneadministrasjonen. Les meir i papirutgåva eller last ned eavis her