TOPP TRE: Daniel Foss (til høgre) kunne fornøgd søndag reise frå Hovden med ein bronsemdalje rundt halsen. Joachim Jagge Lindstøl (i midten) vann, medan Olav Engelhardt Sanderberg køyrde inn til sølv. (Foto: Geir Arne Foss)
TOPP TRE: Daniel Foss (til høgre) kunne fornøgd søndag reise frå Hovden med ein bronsemdalje rundt halsen. Joachim Jagge Lindstøl (i midten) vann, medan Olav Engelhardt Sanderberg køyrde inn til sølv. (Foto: Geir Arne Foss)

Foss tok NM-bronse

Alpinisten Daniel Foss tok i dag, søndag, sin første medalje i eit norgesmeisterskap.

I helga blei det arrangert både FIS-renn og NM for juniorar på Hovden. Søndag konkurrerte utøvarane i storslalåm, medan det blei tettare mellom portane då det skulle målast krefter under slålomtevlinga dagen etter. Slalåm er ein av saudautøvar Daniel Foss sin favorittdisiplinar innan alpint. Før helgas konkurranse hadde han ein sjetteplass i NM som si beste plassering, nettopp i slalåm.

– Eg visste før helgas renn at eg var i stand til å ta medalje og er veldig godt fornøgd med at eg klarte det, fortel 17-åringen.

69 løparar starta, men berre 42 av dei kom i mål. Dei to beste i 1. omgang var mellom dei som køyrde ut i finaleomgangen. For Daniel Foss gjekk det langt betre i 2. enn i 1. førsteomgang.

– Eg køyrde dårleg i 1. omgang, men klarte å komme meg inn blant dei 30 beste slik at eg fekk køyre ein omgang til. Resultatlista blei då snudd på hovudet slik at eg starta som nummer fire i den siste omgangen. Då hadde eg beste omgangstid, fortel han.

Joachim Jagge Lindstøl, IL Heming, var raskast, medan Olav Engelhardt Sanderberg frå klubben Ready tok andreplassen. Med den gode avslutninga til Daniel Foss fekk han altså til slutt bronsemedalje i NM junior 1, som er for utøvarar som er født i 1997 og 1998.

Les meir i papirutgåva tysdag.