TILGRISA: Slik ser baksida av Folkets Hus ut etter å ha blitt tagga i løpet av det siste døgeret. Også fleire bygg i sentrumsområde er nå prega av vandalisme.
TILGRISA: Slik ser baksida av Folkets Hus ut etter å ha blitt tagga i løpet av det siste døgeret. Også fleire bygg i sentrumsområde er nå prega av vandalisme.

Tagging fleire stader i Sauda

Minst fire bygg i Sauda sentrum har blitt «pynta» med spraylakkering, mest sannsynleg i løpet av natt til i dag, torsdag.

Både Rådhuset, Sauda museum, Folkets Hus og Saudahallen har etter all sannsynlegheit i løpet av natta hatt besøk av uvedkommande. Bygga har blitt spraylakkert med ulike ord.

Då Ryfylke ringer lensmannskontoret i Sauda er ikkje politiet kjent med saka. Dei vil rykke ut og gjere undersøkingar snarast råd.

– Vi ser alvorleg på dette og vil ta tak i saka. Tagging er tilgrising av verste sort. Det kan medføre store kostnader å få fjerna dette, understrekar politioverbetjent ved Sauda lensmannskontor, Thomas Breivik.

Saudahallen er blitt tagga både i inngangspartiet og bak på bygget. Tilsette var i føremiddag i full sving med å prøve å vaske vekk lakken, men hadde problem med å få alt heilt vekk.

– Sauda har blitt skåna for tagging. Det er lenge sidan eg har høyrt om liknande tilfeller her inne, seier Breivik, og legg til at politiet er interessert i tips frå publikum i tagge-saka.

– Viss ein har sett bilar eller folk eller har andre nyttige opplysningar i saka er det fint om ein tar kontakt med politiet, oppmodar politioverbetjent Thomas Breivik.