STOPPA BILAR: Politiet rykka torsdag ut til sorteringanlegget på Birkeland. Men funnet av ein mystisk pakke var likevel ikkje sprengstoff. (Foto: Ingvild Rørtveit Myklebust)
STOPPA BILAR: Politiet rykka torsdag ut til sorteringanlegget på Birkeland. Men funnet av ein mystisk pakke var likevel ikkje sprengstoff. (Foto: Ingvild Rørtveit Myklebust)

Sprengstoff-alarm avblåst

Fann mystisk pakke som var «pakka som om det var sprengstoff oppi».

– Det er ingen dramatikk. Det var ikkje sprengstoff likevel, seier operasjonsleiar ved Haugaland og Sunnhordland politidistrikt, Rune Plassen.

Måndag blei det funne tre dynamittkubbar på Røldalsfjellet. Politiet etterforskar fortsatt saka.

Då det i dag, torsdag, blei funne ein mystisk pakke inne på sorteringsanlegget på Birkeland, blei politiet varsla.

– Av sikkerhetgrunnar blei sorteringsanlegget tømt for folk. Pakken var pakka på ein måte som gjorde at ein frykta at det var dynamitt oppi, fortel Plassen.

Ein skytebas har nå forsikra om at det ikkje dreier seg om sprengstoff.