Like før midnatt, natt til søndag, falt ein saudabu tidleg i 20-åra ut eit vindauge i andre etasje i ei bygning i Sauda sentrum. Bygninga ligg i Rådhusgata, mellom Sparebanken-bygget og Leif Moe AS.
Les også: Mann fall ut vindauge i 2. etasje
Mora til saudabuen som fall ut vindauge opplyser at han blir halde i kunstig koma og har pådratt seg skadar på hovudet.
– Han ligg i kunstig koma, og me har fått beskjed frå sjukehuset om at han blir liggande i kunstig koma i to dagar til. Me får vite meir på måndag, seier mora søndag ettermiddag.
Mannen blei raskt frakta til Stavanger sykehus i luftambulanse etter hendinga rundt midnatt, natt til søndag. I ei pressemelding sist oppdatert søndag klokka 01:45, skriv sjukehuset at mannen er alvorleg skada, men at tilstanden er stabil.
– Tilstanden på mannen i fallulukka er fortsatt alvorleg og stabil i dag, skriv Mirjam Pletanek Klingenberg ved kommunikasjonsavdelinga til Stavanger sykehus i ei tekstmelding til Ryfylke søndag ettermiddag.
Les meir om saka her.