Stenger tunnel på måndag

I nokre timar på måndag blir Varstadtunnelen stengt for trafikk på grunn av ei brannøving.

I ei pressemelding opplyser Statens vegvesen at Varstadtunnelen på Fylkesveg 520 blir stengt i fire timar på måndag, frå klokka 18 til klokka 22.

Det skjer fordi Vegvesenet og brannvesenet i Sauda skal ha brannøving.

– Me øver på røykspreiing i tunnelen. Varstadtunnelen blir heilt stengt under øvinga fordi det blir null sikt i delar av tunnelen, seier Bjørn Arild Fossåsen i Statens vegvesen.

Varstadtunnelen er den siste tunnelen før ein kjem til Svandalsfossen, om ein køyrer innover Saudafjorden, i retning Sauda.