NY RÅDMANN I SAUDA: Rune Kloster Tvedt (Foto: KS)
NY RÅDMANN I SAUDA: Rune Kloster Tvedt (Foto: KS)

Han er Sauda sin nye rådmann

– Vi har gjort ei totalvurdering. Det var fleire gode kandidatar å velje mellom, seier ordføraren.

Eit samrøystes kommunestyre vedtok i dag, onsdag, å tilby Rune Kloster Tvedt stillinga som rådmann i Sauda kommune.

– Vi har gjort ei totalvurdering. Det var fleire gode kandidatar å velge mellom, seier ordførar Asbjørn Birkeland til Ryfylke.

Den nye rådmannen har takka ja til jobben. Ordførar Birkeland håper han er på plass til 1. september. I dag jobbar Tvedt som spesialrådgivar i region Vest-Norge i Kommunenes Sentralforbund (KS).

I ei pressemelding frå Sauda kommune blir det opplyst at Tvedt har brei offentleg kompetanse, og at han har erfaring frå lokalt og nasjonalt nivå, mellom anna som folkevalt, frå leiing av kommunale tenester, samt frå utviklings- og tilretteleggande arbeid gjennom KS.

Forrige rådmann i Sauda kommune var Wictor Juul, som hadde sin siste arbeidsdag i slutten av mars. Sidan har kommunalsjef Andreas Fløgstad vore fungerande rådmann.