Klokka 14.58 melde brannvesenet i Sauda om gras- og lyngbrann ved Verdens ende på Austarheim.
Augevitne Ryfylke har vore i kontakt med opplyser at det brenn i skogen bak koplingsanlegget til Statnett inne ved Verdens Ende. Ryfylkes journalist Frank Waal var på staden klokka 15.10. Han melder at det er store flammar på staden, og skogbrannen veks i omfang.
Brannvesenet har rykka ut. Det har også minst éin grunneigar gjort med gjødselvogn. Det er kraftig vind i Sauda i dag. Det gjer sløkkearbeidet ekstra utfordrande.
– Eit helikopter er i gang med sløkking av brannen frå lufta. Sivilforsvaret er også kalla ut. Det er mykje røyk og vanskeleg å sjå noko, men brannen trekk innover og bakover, vekk frå området der eg står, nær Statnetts anlegg, seier Waal.
I si twittermelding om brannen melder operasjonssentralen til Sør-Vest politidistrikt om at det ikkje skal vere fare for spreiing til bustadsområde.
Ryfylke kjem tilbake med meir.
14:58 #Sauda – brannvesenet melder om gress-/lyngbrann ved «verdens ende», det skal ikke være fare for spredning til bebyggelse. Brann og politi rykker ut.
— Politiet i Sør-Vest (@politietsorvest) 5. juni 2018