Sat fast under trerot

I går kveld, onsdag, like før halv tolv fekk politiet melding om at ein Sauda-mann i midten av 50-åra sat fast under ei trerot ved Kjødnaskar i Sauda. Politiet, som blei kontakta av sønnen til mannen, rykka ut saman med brann- og ambulansepersonell. Trerota låg i ei røys i bratt terreng, noko som gjorde at ein måtte vera forsiktig. Redningsmannskapa fekk heldigvis mannen laus utan at det oppstod ras og han blei sendt til sjukehus med Sea King-helikopter.