Hollekim sluttar som lensmann

Frå 2. august vil Randi Kalvik gå inn att i stillinga som lensmann ved Sauda lensmannskontor. Ho har vore ute i ein forlenga fødselspermisjon, men ho er no attende og har den siste tida vore i operativ teneste. Lensmann Rune Hollekim går attende til stillinga ved PST Utlendings-avdelinga ved Haugaland og Sunnhordaland politidistrikt.

Sjølv om det har blese godt rundt lensmannen dei to åra han har vore i sjefstolen, tykkjer han at lensmannskontoret har gjort framsteg under hans leiing:

– Vi har til dømes fått ei heilkontinuerlig teneste som inkluderer aktiv patruljeteneste heile døgnet, veka rundt, seier Hollekim, 

Rune Hollekim tykkjer det er vemodig å slutte som lensmann:

– Eg kunne tenkt meg å vore med vidare, men slik er ein gong livet, seier han, og legg til at politi- situasjonen for Sauda ser lovande ut i åra som kjem.

– Randi Kalvik er rutinert og kjenner distriktet godt, så Sauda og resten av distriktet er i gode hender, avsluttar Rune Hollekim.