[polldaddy poll=6759182]
– Den gamle nettsida vår var utdatert, både teknologisk og designmessig, seier dagleg leiar og redaktør i avisa Ryfylke, Linda Merethe Lie.
I dag, tysdag, lanserer lokalavisa den nye internettsida si – ei nettside som i tillegg til å visa siste nytt også blant anna vil innehalda videosnuttar, notisar, tvprogramoversikt og serviceguide.
– Den nye nettsida vil automatisk tilpassa seg slik at den kan lesast på lesebrett og smarttelefon. I tillegg vil det nå vera langt enklare å navigera seg rundt på nettsida vår, fortel grafikar og teknisk ansvarleg i Ryfylke, Frank Stig Jensen.
Nå går avisa over til å kjøpa nettenester frå haugesundsfirmaet Appex, itfirmaet som har vunne mange prisar for sitt utviklande webarbeid.
Ryfylke sin daglege leiar og redaktør, Linda Merethe Lie, fortel at nettsatsinga til Ryfylke har ekspandert, spesielt det siste året. Medan nettsida før bare blei oppdatert kvar tysdag og fredag, er oppdateringane nå langt hyppigare.
– Det tok litt tid før folk blei van med at det er aktivitet på sida vår også andre dagar, både i vekene og i helgane. Men nå får me mange positive tilbakemelingar om aktiviteten vår, opplyser Lie.