Jobbar mot fleire interessentar

Då prisen på fjordhotellet blei redusert med ein million kroner meldte det seg fleire investorar.

– Det kom eit lite ”rush” då, ja, vedgår Jan Erik Østbø i EiendomsMegler 1, som har ansvaret for salet av Sauda Fjord Hotel.

Prisantydninga på eigedommen var 6,5 millionar kroner då den blei lagt ut for sal i fjor. Etter seks månader utan sal blei prisen redusert med ein million kroner nå i januar.

– Det skapte ny interesse for eigedommen. Nå har me fleire interessentar på banen, seier Østbø.