Eit varaprega formannskap gjekk i dag, fredag, inn for å gi kommuneadminstrasjonen klarsignal for å starta arbeidet med reguleringsplanen i Åbøbyen.
Arbeidet med reguleringsplanen startar med eit oppstartsmøte alt komande måndag.
Planen er å regulera området ved Håkonsgate/Torsveien/Hestesportbanen til areal for bustader, barnehage og studentbustader med heile 90 hyblar.
Går alt etter planen til saksbehandlar Ørjan Djuv kan reguleringsplanen vera klar for vedtak i kommunestyret i januar 2014. Eit mål i planarbeidet er at studentbustadane skal vera klare til skulestart hausten 2014.
I formannskapet sitt vedtak heiter det:
«Formannskapet ber om at reguleringsarbeidet for studentboliger (hybler), barnehage, samt boligformål starter opp snarest. Kostnad for reguleringsarbeidet (ca. 220 000 kroner) dekkes i forbindelse med behandling av revidert budsjett. Vilkårene for overtakelse av tomter for studentboliger og boligformål legges fram for politisk behandling når reguleringsarbeidet har startet (før offentlig høring)».