– Det blei høg temperatur i møtet, og i kampens hete sa eg ting eg ikkje ikkje såg rekkevidda av. Nå har eg bestemt meg for å trekka tilbake mistillitsforslaget, seier Høgres Laila Stødle.
Det var i møtet i administrasjonsutvalet tysdag føremiddag at høgrepolitikaren valde å fremma mistillit mot kommuneleiinga. Stemninga i det alt anstrengte møtet var på botn då det braut ut krass ordveksling mellom Stødle og Sulen då temaet gjekk på personalpolitikk og arbeidsgivaransvar.
I dag, torsdag, hadde Stødle bestemt seg for å trekka tilbake mistillitsforslaget.
– Nå skal me jobba med kommunen sine strategimål knytt til personalpolitikk og arbeidsgivaransvar. Då er det lite konstruktivt å bruka tid på å diskutera mistillit, seier Stødle.
Ordførar Frode Sulen utelukkar ikkje at han vil forfølga saka.
Les meir i papirutgåva fredag.