– Heldigvis kom det litt snø i helga, så nå er det store muligheter for at rennet blir arrangert. Men, me tar ei endeleg avgjerd i morgon, onsdag, seier leiar i langrennsgruppa i Sauda idrettslag og rennleiar Heidi Slettedahl Handegård.
Laurdag og sundag arrangerer idrettslaget Saudasprinten for 38. gong. Som vanleg blir renna arrangert i Slettedalen. Mildvêr og lite snø så langt i vinter har bydd på utfordringar for langrennsfolket.
I fjor var det saudabuen – og skiskyttaren – Robin Handeland som fekk vandrepokalen, etter at han gjekk først i mål på jaktstarten. Handeland kom på tredjeplass i laurdagens ti kilometer klassisk, bak hjelmelandsbuen Audun Laugaland og suldølen Jon Inge Vetrhus. Laugaland vann klart, men liker ikkje fristil og droppa jaktstarten sundag. Suldølen hadde dermed eit elleve sekund stort forsprang på Handeland, men saudabuen gjekk eit knalløp og vann jaktstarten med heile 48 sekund. Saudabuen Sondre Handeland hamna på tredjeplass.
– Eg skal ikkje stilla på Saudasprinten i år. Eg har hatt lite trening i det siste og har hatt det travelt med husbygging, fortel Robin Handeland.
Sondre Handeland og brørne Håkon og Amund Thomassen stiller heller ikkje på startstreken i Slettedalen i helga, då dei er opptatt med NM-stafetten.
Les meir i papirutgåva eller last ned eavis her