– Me oppfordrar folk til å låsa syklane sine, og aller helst ha dei innandørs om nettene, seier politistudent ved Sauda lensmannskontor, Kristian Berg Rygvold.
Fire syklar skal ha blitt stolne frå ulike stader i Sauda natt til tysdag.
Politiet har mistanke til at tjuvane er spesielt på jakt etter dyre syklar. Kanskje kan det dreia seg om omreisande sykkeltjuvar.
– Det verkar som at dei er mest opptatt av dyre, flotte syklar. Vanlege syklar får stå, påpeikar Berg Rygvold.
Ifølge politistudenten skal nokre av tjuveria ha skjedd i området rundt Brekke.
– Viss nokon har sett noko mistenkeleg i dette området natt til tysdag er me glade for tips, seier han.