*** Local Caption *** Arkiv: Redaksjon/Avisbilder
HEIDRA: Leiar i Sauda idrettslag, Vibecke Håheim (i midten), kunne måndag gi Stig Birkeland æresmedlemsskap i laget, medan Laila Lindvoll Herheim fekk sølvmerket.

Heidra trufaste eldsjeler

Stig Adler Birkeland er blitt æresmedlem i Sauda idrettslag, medan Laila Lindvoll Herheim har fått sølvmerket.

– Ei stor ære. Dette gir inspirasjon til å fortsetta vidare, seier Stig Adler Birkeland.

Måndag blei han tildelt æresmedlemskap i Sauda idrettslag under laget sitt årsmøte på Sauda fjordhotell.

Birkeland har vore medlem i Sauda idrettslag i 35 år, og har markert og engasjert seg som både utøvar og trenar innan både fotball og alpint. Han har trent A-laget og aldersbestemte lag i fotball i fleire sesongar, og har også vore trenar for yngre alpinistar i ein tidsperiode på heile ti år. Birkeland har også hatt fleire styreverv i idrettslaget opp gjennom åra.

Også langrennsgruppa si trufaste eldsjel, Laila Lindvoll Herheim, blei heidra under årsmøtet til Sauda idrettslag måndag kveld. Ho blei tildelt sølvmerket for sine mange engasjerte år i langrennsgruppa.

Les meir i papirutgåva eller last ned e-avis her.