Politiet stadfestar at ein person er varetektsfengsla, mistenkt for å stå bak eldspåsettingsforsøket på eit vedhus ved Maldalsvegen rundt påsketider.
– Vedkommande blei pågripen tysdag og framstilt for varetekt onsdag. Personen blei varetektsfengsla i fire veker, opplyser politioverbetjent Thomas Breivik.
Politiet vil, av omsyn til den pågåande etterforskinga, ikkje gå ut med verken kjønn eller alder – eller om vedkommande er heimehøyrande i Sauda.
Ekteparet som eig vedhuset på Maldalsvegen fann like over påske vedhuset sitt tilgrisa med oljeliknande væske. Delar av materialet i døra i bygget viste tydelege teikn på at det hadde brunne. Eit tau som blir brukt til å halda døra ope, var brukt som ei slags «lunte» fram mot bygget.