– Ja, dette vart resultatet for Saudas del denne gongen, konstaterer Arne Kleppa i Ryfylkefondet.
Kleppa stadfestar at fondet i sitt møte før helga løyva 400 000 kroner til Laget for Hovlandsnutens utvikling og 100 000 kroner til eldsjelane bak Tinghaug-prosjektet.
– Me var heldige der, ja, seier Åge Fjellheim Midthun i den ideelle, dugnadsbaserte organisasjonen Laget for Hovlandsnutens utvikling.
Med løyvinga frå Ryfylkefondet og tidlegare tildelingar på 200 000 kroner frå Sauda Vekst, 250 000 kroner frå Sparebankstiftelsen Sauda og 50 000 kroner frå Sauda kommune kan laget no la sherpaer frå Nepal starta arbeidet med å steinsetta og drenera kritiske punkt på stien opp til Hovlandsnuten.
– Dei fire sherpaene kjem til Sauda ein gong utpå ettersommaren, nå er dei opptekne med store prosjekt ved Preikestolen og Kjerag. Dei vil legga ned snautt tusen arbeidstimar over fire til seks veker, opplyser Fjellheim.
Les meir i papirutgåva eller last ned eavis her