– Me kan ikkje risikera at bygget ramlar ned medan me ventar på fullfinansieringa, sa Arbeidarpartiet sin gruppeleiar, Wenche Hoftun, då ho onsdag la fram sine tankar om rådmannen sitt 2015-budsjett for formannskapet.
Rådmann i Wictor Juul presenterte sitt budsjettforslag i begynnelsen på november. Han hadde då ikkje funne rom for å setta av pengar til den planlagde opprustinga av Folkets Hus, som har stått ubrukt i snart eitt år nå.
Sauda kommune har alt sett av 20 millionar kroner til Folkets Hus i eit disposisjonsfond. Medan rådmannen vil bruka alle desse i 2016, vil Arbeidarpartiet, Senterpartiet og Kristeleg Folkeparti bruka sju av millionane i 2015 og la 13 millionar kroner stå igjen til 2016.
– Det nødvendige vedlikehaldet må fortsetta i 2015. Eg trur dessutan at det er viktig å signalisera overfor andre at dette er noko Sauda kommune vil. Kvifor skal andre gå inn med økonomisk støtte viss ikkje kommunen sjølv legg pengar i prosjektet? spurde Hoftun.
Dette fekk dei to høgrepolitikarane i formannskapet, Ivar Tangeraas og Knut Atle Seim, til å reagera.
– Eg er redd for at me bruker sju millionar, og så står me der med eit halvferdig prosjekt. Kva om me ikkje greier å fullfinansiera planane? Skal det då enda med at kommunen må inn med endå fleire millionar? spurde Seim.
Les meir i papirutgåva eller last ned e-avis her.