– Det er tatt ei avgjerd om at lysa i trea skal henga til over vinterferien, opplyser Frank Abelseth, prosjektleiar for Sauda Sentrumsutvikling.
Heilt sidan julegata opna i Sauda 1. desember i fjor har lyslenkene som har pynta trea langs Rådhusgata og Skulegata gjennom sentrum blitt hengande.
Tidlegare år har lyslenkene blitt tatt ned tidleg i januar, og planen var, ifølge Abelseth, å fjerne lenkene like over nyttår også i år.
– Men me har fått innspel på at folk synest sentrum er meir triveleg med lyslenkene i trea. Det synest me også, og lar derfor lysa bli til over vinterferien, seier Abelseth.
Vinterferien er i år i veke 8, altså rundt midten av februar.