I eit ekstraordnært møte i formannskapet i dag, onsdag, gav dei folkevalde utbyggar Leabøen AS einstemmmig lov til å bygga studentbustadar i Åbøbyen i samsvar med den opprinnelege søknaden. Det tyder at formannskapspolitikarane valde å ikkje ta klagene frå Ryfylkemuseet og Ryfylke lokallag av Fortidsminneforeningen til følge.
Saka går nå til vidare behandling hos Fylkesmannen i Rogaland.
Saudapolitikarane vurderte i sitt møte i dag ankepunkta frå verneinteressene, som meiner at det omsøkte bygget ikkje er tilpassa lokal byggeskikk, opp mot verdien dei ser studentbustadane vil ha for lokalsamfunnet og for den vidaregåande skulen.
– Uheldig for verneinteressene, men den positive samfunnsverdien er overordna for meg, gav Knut Saua, Venstre, uttrykk for.