– Me ønsker å samla inn gamle skuleranslar som folk ikkje har nytte av lenger og ta dei med heim til Zimbabwe, fortel mor Magaret Thandabani.
Ho forklarar at Zimbabwe er det landet i Afrika som har den høgaste prosenten av folk som kan lese og skrive. Dei aller fleste går på skule. Men det dei ikkje har er materiell ein treng på skulen.
– Dei må bere alle bøkene sine i regn og steikande sol, og dei fleste har ikkje råd til å betale både skule og ranslar, fortel Magaret Thandabani.
Mrs. Thandabani legg til at det er mange foreldrelause i Zimbabwe, og at dei må vere heime sidan dei ikkje har råd til å gå på skule.
– Skulen kostar rundt 20 dollar per semester, og det er ein del pengar for mange, seier Rønning, som plar å sende ned pengar til familiar som treng hjelp.
Thandabani-familien ønskjer å gi ranslar til dei som treng det i Zimbabwe og forklarer at dei vil hjarteleg ta imot alle slags ranslar, så lenge dei er brukande.
Les meir i papirutgåva eller last ned e-avis her.