På grunn av den store snømengda i saudafjella har Saudefaldene gjennomført sin første snømåling i august månad nokon sinne, heilt sidan dei blei etablerte for 102 år sidan, i 1913. Ryfylke blei med produksjonsplanleggar Lars Melbø og vedlikehaldsleiar Kristian Gauthun ved Saudefaldene på snømåling i Kyrkjestølsheia (omlag 1096 meter over havet) onsdag denne veka.
– Snømengda vi har no svarer til den mengda vi normalt har i første halvdel av juni, fortel Melbø.
For å få ein haustflaum, noko som ifølge Melbø ikkje er usannsynleg, må det store nedbørsmengder til. Under ei normalveke får vi omlag 60 millimeter nedbør.
– Får vi ein lang periode utan nedbør, kan vi vere tilbake til normalen. Det er derfor vanskeleg for oss å anta kor stor flaum-risikoen er, då alt er avhengig av temperaturane og smeltinga framover, seier produksjonsplanleggaren.
Les meir i papirutgåva eller last ned e-avis her.