MANGE I AKSJON: Brannvesenet rykka ut med   tolv-tretten mann til garasjebrannen på Rustå. (Foto: Ingvil Bakka)
MANGE I AKSJON: Brannvesenet rykka ut med tolv-tretten mann til garasjebrannen på Rustå. (Foto: Ingvil Bakka)

Full brannutrykning

Det begynte å brenna i ein garasje på Rustå i dag, måndag.

– Me fekk meldinga om brannen klokka 17.50, fortel brannsjef Harald Eikrem.

Då Ryfylke var på staden i 18.40-tida, hadde brannvesenet fått sløkt flammane og var i ferd med ettersløkking.

Det var i garasjens andreetasje brannen hadde starta.

– Det var litt skummelt med tanke på at det var ein gassbehaldar nede i sjølve garasjen, men denne fekk me heldigvis berga vekk, forklarer Eikrem.

Den innreia andreetasjen over bilgarasjen er nå temmeleg brann- og vasskadd.

– I tillegg har taket fått skader, ettersom me måtte riva vekk taksteinar for å komma til, seier Eikem.

Det er foreløpig uklart korleis brannen starta.