– Arrangørane har masa på oss mange gonger, men i år klaffa det godt for oss, seier Eskil Brøndbo, bookingansvarlig og trommeslagar i D.D.E.
Brøndbo lovar at trøndebandet, med hitar som ”Vinsjan på kaia”, ”Rai-Rai” og ”Det går likar no”, vil skapa god stemning og liv og røre under konserten i storteltet ved Paviljongen.
– Me vil sjølvsagt spela dei gamle, kjente slagarane våre, men også låtar som er ganske nye for publikum. At det blir liv, kan eg garantera, seier Brøndbo.
Leiar i arrangementskomiteen for Saudadagane, Ragnar Fosstveit, kunne torsdag i sist veke stadfesta at artistane til dei to konsertane nå er klare. Fredagen vil stavangerbandet Leif og Kompisane starta ballet, før det blir danseband- og countrymusikk med Anne Nørdsti.
Laurdagen er det D.D.E som startar kvelden med sin konsert. Etterpå blir det ny danseband-fest, denne gongen med gruppa Ole Ivars, som også hadde konsert under Saudadagane i 2013.
Fosstveit er glad for å ha kome i mål med eit bra artistprogram også i år.
– Folk har etterlyst D.D.E lenge, og me har prøvt å få tak i dei i fleire år. Denne gongen klarte me det. Me sleit også litt med å få spikra fredagskonsertane, men det ordna seg til slutt, seier han.
Vil du lese meir? Last ned eavisa her eller sjå papiravisa.