Korpsmiljøet i Sauda ligg nede med knekt rygg. Kulturskulen gir opp prosjektet «korps i skulen», som skulle sikre rekrutteringa til korpsmiljøet, på grunn av laber interesse.
I dag er det ingen korps i Sauda og kulturskulen varsla at dei ikkje ville ta initiativ til å samle saman eit 17. mai-korps.
Det har fått gamle korpsmusikantar i Sauda til å reagere. Nå trommer dei saman gamle korpskollegaer.
– Me øver kvar tysdag kveld på Austarheim skule. Dersom nokon har lyst til å troppe opp på øvingane, er det bare å komme, seier Thormod Gilje, som er ein av eldsjelene som trør til.
Sauda var ein gigant i korpssamanheng for få tiår sidan. To aktive skulekorps og eit aktivt vaksenkorps sørga for stilfulle korpsinnslag på nasjonaldagen og på andre festdagar.
I likeheit med resten av landet har korpsmiljø opplevd ein kraftig nedgang i rekrutteringa. Frå å ha eit aktivt korpsmiljø heilt i norgestoppen, er Sauda i dag i ein situasjon der alle tre korpsa er nedlagde.
Vil du lese meir? Last ned eavisa her eller sjå papiravisa.