Sauda kyrkje jubilerer

I september er det 150 år sidan kyrkja blei innvia og vigsla. Då blir det fest.

– Me er godt i rute. Eg trur dette blir eit kjekt arrangement for alle saudabuar, både store og små, seier Alan G. Thompson, leiar i jubileumskomiteen.

Sauda kyrkje blei innvia og vigsla 26. september 1866. Feiringa av 150-årsjubileet er lagt til veka rundt denne datoen komande haust. Jubileumskomiteen har jobba med planlegginga i lang tid. Alt hausten 2014 begynte ein i det små med planlegginga, som for alvor skaut fart hausten 2015. Målet til komiteen har vore å få til eit variert program, med arrangement for både store og små. Nå er fleire postar på programmet klart.

Saudas store artist-son, Bjørn Eidsvåg, har takka ja til å halda minst ein konsert tysdag 20. september – i Sauda kyrkje. I løpet av 150-årsjubileet, som strekker seg over nesten ei veke, er det også planlagt ein kulturkveld, også den i kyrkja. Her vil både Sauda revy- og teaterlag, historikar Arnvid Lillehammer og professor og rikssynsar Frank Aarebrot delta.

Vil du lese meir? Last ned eavisa her eller sjå papiravisa.