Lekkasjen skjedde eit nedgrove vassrøyr i Svandalskrysset søndag kveld. Foto: Ingvil Bakka.
Vatnet tilbake i Saudasjøen
Fleire husstandar i Saudasjøen var utan vatn i nokre timar fredag. No er hovudvassleidninga reparert.
Sauda kommune fekk brot på hovudvassleidninga ved Høse i Saudasjøen, fredag.
– Brotet er bare få meter frå der me fekk brot for eitt år sidan. Den gong tok det fire timar å reparere leidningen, sa Øyvind Ljung, ingeniør for vatn og avløp i Sauda kommune.
Litt over klokka 16 fredag ettermiddag kunne Ljung opplyse at alle skal ha fått vatnet tilbake.
Ljung ber alle bebuarane som vart ramma om å gjere følgande:
– Opne kranen som er lågast i huset først, som oftast i kjellaren, og la vatnet renne i 10-15 minutt. Dette for å få bort brunt vatn som kan oppstå når me spyler vassleidningen.
