– Det har gått bra. Økonomisk har det gått betre enn forventa, men det er mye arbeid, seier Nicholas Guindani.
Ryfylke gjennomfører intervjuet iført blått plastovertrekk på skoa, mens Nicholas Guindani lager pølser.
– Maskina gjekk i stykker i går. Derfor må eg lage pølsene i dag og har det litt travelt, unnskylder Guindani seg.
I 2014 realiserte Nicholas Guindani drømmen om å starte opp kjøttproduksjon heime på Austarheim. Han etablerte firmaet året før og bygde produksjonslokale og investerte i maskinar og utstyr. Håpet var at lokale kundar ville kjøpe kjøttprodukta hans med «Ryfylke Mat» trykt på etiketten.
– Produkta mine har blitt godt tatt imot. Eg har selt ut alt som har blitt produsert, opplyser han.
Hausten 2014 tok han imot 70 lam, som han laga ulike produkt av.
– Hausten 2015 dobla eg dette. Nå i haust vil eg doble dette igjen, opplyser han, mens pølse etter pølse kjem ut av maskina.
– Det er spekepølser eg lager nå. Eg har testa ut spekepølser i eitt år. Nå aukar eg produksjonen for å sjå korleis det slår an hos kundane, seier han.
Nicholas Guindani arbeider i Nordsjøen og har «Ryfylke Mat» som ein tilleggsjobb. Då han starta opp for eit par år sidan, opplyste han at målet var at dette kunne bli eit fulltids levebrød på sikt.
Vil du lese meir? Sjekk papirutgåva eller last ned eavisa her.