Merkevareprisen går til det firmaet som er del av Ryfylkealliansen, og som det siste året har profilert Ryfylke og vore ein god ambassadør for regionen gjennom å aktivt bruke ryfylkelogoen.
Som ein følge av at prisen blei gitt til Ryfylke Mat på Nesflaten i Suldal seint i går kveld, etter at avisa gjekk i trykken, har det ikkje vore mogleg å hente inn kommentarar frå gründeren og dagleg leiar i Ryfylke Mat, Nicolas Guindani.
«Firmanamnet gjev forventningar om kva verksemda tilbyr, og den relativt vesle bedrifta leverer i alle ledd! (…) I annonser og på internett er Ryfylke Mat tydeleg i kommunikasjonen med å bruka ryfylkelogoen. «Me er medlem i Ryfylkealliansen» lyser mot oss på nettsidene til Ryfylke Mat. Ingen skal vera i tvil om tilhøyrsla til verksemda, og kva nettverk Ryfylke Mat er med i.», står det mellom anna å lese i juryen si grunngiving.
– Prisen heng høgt. Her går det på å vere flinkast til å profilere Ryfylke, først og fremst med å bruke ryfylkelogoen bevisst, seier Tor Øyvind Skeiseid i Ryfylke Livsgnist, som også er medlem av Ryfylkealliansen og har fleire oppgåver knytt til alliansen som prosjektleiar.
Det var styret i Ryfylkealliansen som konkluderte at det i år var Ryfylke Mat som fortente prisen, etter innspel frå fleire om moglege kandidatar.
Vil du lese meir? Sjekk papirutgåva eller last ned eavisa her.