Klokka 10.04 fekk politiet melding om at det var skjedd ei trafikkulukke ved Brudesløret i Sauda. Ein bil skal ha kjørt ut av vegen i ei høgrekurve like ved tunnelen. Det skal ikkje ha vore andre bilar involvert i ulukka.
– Ein mann i slutten av syttiåra var åleine i bilen. Han er kjørt til sjukehuset i Haugesund for vidare helseundersøkingar, opplyser Jan Magne Østebøvik ved operasjonssentralen til Sør-Vest politidistrikt.