I kveld får lokallaget til Kristeleg Folkeparti storfint besøk, då utviklingsminister Dag-Inge Ulstein kjem til Sauda. Statsråden deltar i eit møte med det lokale partilaget fredag kveld.
Laurdag morgon står bedriftsbesøk hos Eramet på agendaen, før det blir ope møte på Folkets Hus der Fairtrade, vennskapssamarbeidet Sauda – San Juan del Sur og global urettferdigheit er tema.
Ifølge utviklingsministeren sin statssekretær Gjermund Øystese, stiller Ulstein òg på stand med sine lokale partifeller før besøket mulegvis blir avrunda med ein tur opp til Allmannajuvet med innlagd lunsj.
Statsråden sitt Sauda-program er etter planen over klokka 16.