Vêret kombinert med høgt astronomisk tidevatn vil natt til onsdag løfta havvatnet til eit nivå 80-90 centimeter over høgda oppgitt i tidevasstabellane, melder vêrtenesta yr.no.
Vatnet vil ifølge varselet stiga til 177 centimeter over «sjøkartnull», som er forklart som eit definert nullpunkt som i praksis er det lågaste nivået havet når.
Vasstanden er venta å vera på sitt høgaste mellom klokka 02 og 03 om natta. Nett-tenesta sehavniva.no karakteriserer den forventa springfloa som «Høyvann med 100 års gjentaksintervall».
Det er bare meldt om flau vind, éin meter i sekundet frå nord/nordvest medan vatnet er på sitt høgaste
Ekstremvarselet omfattar strekninga Åna Sira-Austevoll. Båteigarar blir oppmoda om å vurdera å ta båten på land og generelt sikra lause gjenstandar i naust og i strandsona.
Ny runde
Onsdag ved middagstider er det sendt ut oransje farevarsel grunna svært høg flo. Vasstanden vil då kunna stiga til 60-70 centimeter over det som er oppgitt i tidevasstabellane. Om lag klokka 14 vil vatnet stå 161 centimeter over sjøkartnull. Det er då meldt laber brist, seks meter i sekundet frå sørvest, går det fram på yr.no.
Les meir om havnivået på sehavniva.no