Haugaland Kraft har starta jakta på ny konsernsjef etter at Olav Linga i haust signaliserte at han ønska å gå av som konsernsjef. Linga, som snart fyller 65 år, har vore tilsett i Haugaland Kraft sidan 2004.
Under Olav Linga si leiing har Haugaland Kraft utvikla nye forretningsområde og auka både omsetning og resultat. Samtidig er selskapet sine verdiar femdobla.
Konsernet har i dag meir enn 500 tilsette og er blant landets største energiselskap.
Linga takkar av som konsernsjef 1. september, men vil halda fram ei tid framover som rådgivar i konsernet, opplyser Haugaland Kraft i ei pressemelding.