Hanna Haugsvær, som nå representerer Haugesund IL, sette ny personleg rekord i kule under innandørs-NM i friidrett i helga. Det var sju deltakarar i klassen og saudajenta blei nummer fire.
Hanna Haugsvær hadde 11,32 meter som personleg rekord før konkurransen i helga. I løpet av dei fem første kasta var 11,14 meter det lengste kastet hennar, og ho låg som nummer fem før siste kastrunde. I det siste kastet fekk Haugsvær 11,58 meter. Ho avanserte dermed ein plass på resultatlista med den sterke avsluttinga. Ho var 62 centimeter bak bronsemedaljen og 68 centimeter bak sølvmedaljen. Suveren vinnar var Lotta Flatum frå Brandbu IF som kasta 14,04 meter.