NVE har sendt ut fleire farevarsel om flaum og skredfare. Ved gule farevarsel er det avgrensa kor mykje kommunar og lokale myndigheiter kan varsle, er beskjeden frå beredskapssjefen i Vestland fylke, skriv NRK.
– Det er i stor grad basert på at folk må følgje med sjølve, seier fylkesberedskapssjef Håvard Stensvand.
For å få farevarsel på mobilen må folk abonnere på nyheits- og farevarsel. Stensvand håpar bedrifter sjølve er med å spreie bodskapen til turistane om det som kan vere farlege forhold.
– Med dagens ordningar tilseier våre erfaringar så langt, at det dessverre ikkje er mogleg å nå ut til alle med denne typen informasjon, seier fungerande direktør i DSB, Johan Marius Ly.
Innan utgangen av året har DSB fått i oppdrag å opprette ei mobilbasert varslingsteneste. I dag er det mogleg å varsle alle innanfor eit geografisk område med SMS, sokalla lokasjonbasert varsling slik kommunar og Helsedirektoratet gjorde under pandemien. Det nye systemet skal bruke «Cell Broadcast»-teknologi, som kan varsle alle telefonar som er kopla til mobilnettet i eit område.
(©NPK)