For dyrt med mobil i Norge

Nasjonal kommunikasjonsmyndigheit (Nkom) har utarbeidd ein marknadsanalyse som konkluderer med at det framleis er behov for å regulere mobilmarknaden.

Nkom understrekar at dei som styresmakt skal sørgje for at norske forbrukarar får gode og rimelege mobiltenester. Det viktigaste målet for reguleringa i mobilmarknaden er å leggje til rette for eit tredje konkurransedyktig mobilnett som kan utfordre etablerte Telenor og Telia.

– For å leggje til rette for valmoglegheiter og rimelege prisar for mobilkundar, har Nkom gitt Telenor forpliktingar til å gi tilgang til nettet sitt. På den måten kan utfordrarar som sjølv ikkje har eige mobilnett, tilby mobiltenester og bidra til konkurranse i sluttbrukarmarknaden, siger Inger Vollstad, seksjonssjef i Nkom.

(NPK)