UiTs rektor Dag Rune Olsen og konserndirektør kommunikasjon, samfunn og berekraft SNN, Stein Vidar Loftås kunne i dag underteikne avtalen om forsking på berekraftig hav.
NPK
80 millionar til berekraftsforsking på hav
Noregs arktiske universitet (UiT) og Sparebank 1 Nord-Noreg gir 40 millionar kronar kvar til forsking på berekraftige hav. Konsernsjef Liv Ulriksen i Sparebank 1 Nord-Noreg understrekar at slik forsking må skje i tett samarbeid med næringa sjølv.
– Det er næringa som veit kvar skoen klemmer, så involveringa frå den sida er heilt avgjerande. Samtidig veit vi at strengare reguleringar, mellom anna som konsekvens av EUs taksonomi, vil stille heilt nye krav til næringa. Næringsretta forsking kan gjere eventuelle barrierar meir handterlege, seier Ulriksen.
Dag Rune Olsen, rektor ved UIT Norge Arktiske Universitet, påpeikar at befolkninga i verda veks raskt og at langt meir av matproduksjonen må komme frå havet framover.
– Men havressursane må forvaltast berekraftig og forankra i solid forsking. UiT har ein stolt tradisjon for å bidra til kunnskap om havressursane våre. Men denne gåva kan vi styrkje innsatsen, understrekar Olsen.
