Energiministeren vil ikkje ha kryptovalutautvinning i Norge

Regjeringa vil stenge døra for kryptovalutautvinning i Norge.

No legg regjeringa fram ei lov som skal regulere datasenter-industrien, som første land i Europa, fortel digitaliseringsminister Karianne Tung og energiminister Terje Aasland (Ap) til VG.

Regjeringa vil ha registreringsplikt og vite kven som står bak datasenteret, kven som leier senteret og ei plikt til å opplyse kva tenester som blir tilbodne. Slik vil regjeringa stanse uønskt verksemd som utvinning av kryptovaluta.

– Det er hefta med store klimagassutslepp, og er eit døme på ein type verksemd vi ikkje ønskjer i Norge, seier Aasland.

Aasland seier vidare at dei ikkje er interesserte i aktørar som er ute etter å shoppe billig straum i Norge.

– Dei er ikkje velkommen i Norge. Vi ønskjer seriøse aktørar som er viktig for samfunnet, og den samfunnstenlege dataindustrien er viktig for oss.

(NPK)