Stolpejakten 2024: Slår til med seks svarte» turmål

– Så klart me arrangerer Stolpejakten også i år. Me startar 1. mai, og stolpejakta varer ut oktober. I fjor klarte me å engasjera 1 222 personar. I år er målet 1 500 personar, seier Jon Ove Mehus, leiar i idrettslaget Ny Von.

Stolpejakten blei for første gong arrangert i Sauda i 2021, av Ny Von, etter initiativ frå ekteparet Kjellfrid og Jon Ove Mehus. I debutåret deltok 443 personar. I 2022 blei også Sauda Turlag med som arrangør, og jakta blei utvida med 20 stolpar i Saudasjøen – i eit år som fekk 837 personar ut på stolpejakt i Sauda og Saudasjøen. Fjorårets tal, med heile 1 222 deltakarar i Sauda, viser at folk liker denne spesielle tur-aktiviteten. Kvart år sidan oppstarten har Stolpejakten-sesongen blitt stadig utvida, frå tre månader i 2021 til seks månader i 2023 og nå i 2024. I 2023 blei det også arrangert nissestolpejakt» i desember.

Frå grøne» til svarte»

Også i år har arrangørane, idrettslaget Ny Von og Sauda turlag, lagt opp til 40 stolpar, fordelt på ulike turmål i Sauda og Saudasjøen. Hovudmålet med Stolpejakten er å bidra til auka fysisk aktivitet blant folk flest over heile landet». Dei enklaste stolpane, som er merka som grøne», kan enkelt nås med sykkel, rullator, rullestol eller barnevogn.

– Rundt 40-45 prosent av stolpane me set ut er grøne», fortel Mehus.

Resten av stolpane er merka som blå», raude», eller svarte». Tidlegare år har arrangøren lagt opp til to eller tre svarte» stolpar. I år blir det seks svarte» stolpar i Stolpejakten i Sauda.

– Me har oppdaga at me har vore litt for strenge» på krava til svarte» stolpar. I andre kommunar er ikkje nødvendigvis dei svarte» stolpane på toppen av ein nut. Så i år blir det seks svarte» stolpar, seier Mehus.

Startar 1. mai

Når startskotet går onsdag 1. mai vil flesteparten av stolpane i Sauda og Saudasjøen vera tilgjengeleg og klare for registreringar. Snømengder kan gjera at enkelte av stolpane i høgfjellet ikkje blir sett ut før nokre veker seinare.

Ny Von og Sauda turlag er spente på korleis folk tar imot årets Stolpejakten-turmål.

– Me håpar at me får endå fleire folk med i år, og at folk kjem seg ut på nye, spennande turmål. Me meiner dette er eit viktig folkehelse-tiltak, seier Mehus.

Han håpar at Stolpejakten også kan vera ein fin aktivitet for skular, og gjerne barnehagar.

Det viktigaste er, ifølge Mehus, ikkje å bli best eller vinna Stolpejakten, men å komma seg ut og konkurrera med seg sjølv.

– Derfor er me ikkje så opptatt av å kåra ein vinnar. Men me har fleire trekkepremiar, lovar han.

Årets stolpar:

Grøne:

Tråsavika

Kryss Grønsdal

Risvold skule

Weldone

Naust ved Sauda fjord Camping

Gamalt bruk, Nordag

Lyngmyr ved info-tavle

Varden i sentrum

Bak Extra, ved reinseanlegget

Strandavegen 33, møteplass

Saunes 46, snuplass

Fløgstadvegen 42, leikeplass

Åbø 25

Tennisbanen

Andedammen ved gapahuk

Søndenåhaugen

Åbødalen, Valla-toppen

Blå:

Lyngmyr gapahuk, Brendaåsen 1

Lyngmyr gapahuk, Brendaåsen 2

Badeplassen, Rødstjødna

Kraftverk, Svandal

Elgen i Haugane hyttefelt

Juvastøl gruvesti, ved porten

Juvastøl, vaskeriet»

Motocrossbanen på Birkeland

Raude:

Dagsturhytta

Nestjødn

Kryss med sti til Amdal/Fløgstad

Toppen av nederste skitrekk

Grind ved Trebøen-hytta i Austarheimslia

Vårbu, Bergsbøen, Austarheimslia, parkering ved hovudveg

Åbødalen, vegkryss til Øygarden

Bru ved Fetå, Åbødalen

Svarte:

Tengdal-stølen, ved brua

Grødalen, Tengdal

Tengdalsnuten

Fossdal, Åbødalen

Vatndalen ved bommen

Tempreidnuten