Ei drukning skjer som regel heilt stille fordi personen bruker alle krefter på å prøve å puste. Illustrasjonsfoto.
NPK
Ein av tre nordmenn er ikkje symjedyktige
Menn er overrepresentert i drukningsstatistikken. I ei ny undersøking framgår det at menn også meiner dei har mykje betre symjeferdigheiter enn det kvinner trur om seg sjølv.
Første halvår i år har det vore 41 drukningsulukker. 88 prosent av dei omkomne var menn.
Norstat har på vegner av Frende Forsikring spurt 1000 nordmenn om å vurdere sine eigne symjeferdigheiter. Du må kunne symje 200 meter for å bli rekna som symjedyktig. Undersøkinga viser at
* 1 av 3 seier at dei ikkje klarer å symje 200 meter i sjøen
* 11 prosent seier at dei klarer mindre enn 50 meter i sjøen
* 11 prosent vurderer eigne symjeferdigheiter som dårlege, eller seier at dei ikkje kan symje
– I undersøkinga vår ser vi at menn meiner dei har mykje betre symjeferdigheiter enn det kvinner svarer. 71 prosent av menn meiner dei kan symje meir enn 200 meter i sjøen utan pause. Andelen kvinner som seier det same er 58 prosent, seier rådgjevande lege Helge Skjerven i Frende Forsikring i ei pressemelding.
