Onsdag 11. september får Eddi Eidsvåg vita om han vert tildelt to millionar kroner til sitt pøbelprosjekt. Han er nemleg nominert til prisen «Årets Ladejarl», ein pris som Odd Reitan i Reitangruppen AS skal dela ut på Lade Gaard i Trondheim denne dagen.
– Me treng sårt dei kronene, og kryssar fingrane. Ein slik sum betyr at me kan hjelpa 20 ungdommar i tre år, seier Eddi Eidsvåg til Rogalands Avis.
Rogalands Avis skriv at vedtektene seier at prisen vert gitt til ein person som mellom anna i særleg grad har bidrege til samfunnsbygging og vorte ein rollemodell og ein inspirasjon til engasjement og personleg ansvar.