I dag, tysdag, var det elevane ved Sauda vidaregåande skule sin tur til å seia si politiske meining. Etter ein paneldebatt, mingling og drøs rundt stands inne på skulen gjekk elevane til valurnene.

Heile 121 elevar stemte på partiet Høgre, som med dette fekk 35,7 prosent av stemmene.

Høgres Ivar Tangeraas er strålande fornøgd.

– Så vidt eg kan hugsa har det aldri skjedd at Høgre har vore SÅ suverene i Sauda. Eg håpar og trur at dette skulevalet i Sauda fortel mykje om stemninga i Sauda og elles i landet, seier han.

Dei resterande stemmene fordeler seg slik:

Framstegspartiet: 61 stemmer – 18 prosent

Arbeidarpartiet: 59 stemmer – 17,4 prosent

Venstre: 34 stemmer – 10 prosent

Senterpartiet: 27 stemmer – 8 prosent

Sosialistisk Venstreparti: 14 stemmer – 4,1 prosent

Piratpartiet: 6 stemmer – 1,8 prosent

Rødt: 5 stemmer – 1,5 prosent

Miljøpartiet De Grønne: 4 stemmer – 1,2 prosent

Kristeleg Folkeparti: 3 stemmer – 0,9 prosent

Kystpartiet: 2 stemmer – 0,6 prosent

Pensjonistpartiet: 1 stemme – 0,6 prosent