– Gode nyheter. Iallfall er me eitt skritt vidare, seier ordførar Frode Sulen.
Apotekkjeda Boots Norge AS søkte i mars om avkall på apotekkonsesjonen dei har i Sauda.
Boots grunngav søknaden med at dei ikkje har lukkast med å få tak i ein apotekar som kan driva forretninga i Sauda.
Nå har Statens legemiddelverk svara på søknaden. I svarbrevet avslår legemiddelverket søknaden og dei pålegger Boots å driva apoteket i Sauda – inntil vidare.
– Legemiddelverket kan ikkje sjå at saka omkring vidare drift av Sauda apotek er vesentleg annleis enn den var i 2012, heiter det blant anna i avslaget.
Ifølge ordførar Frode Sulen har Boots signalisert at dei vil anka avgjerda frå legemiddelverket.
Les meir i papirutgåva onsdag etter påske.