– Det tøffaste vedtaket me har gjort så langt i år, konstaterte Høgres Ivar Tangeraas då formannskapet i Sauda diskuterte Regionalplan for areal og transport på Haugalandet i sitt møte sist onsdag.
Politikarane skulle i utgangspunktet vedta Sauda kommune sin uttale til planen, og valde i debatten å legga til fleire avsnitt i innstillinga frå rådmannen. Ordførar Frode Sulen frå Arbeidarpartiet var den første til å ta til orde for å få flytta riksveg 13 innover mot Sauda i debatten i formannskapet.
– Ivar Tangeraas har lenge argumentert for dette og han har nå mi fulle støtte. Eg synest me skal våga å seia at me vil ha riksveg 13 inn til Sauda og dette bør komma fram i vår uttale, sa Sulen.
Suldalsordførar Torkel Myklebust føler seg svikta av Sauda.
– Det er heilt uaktuelt for Suldal å støtta dette. Eg er forundra og svært skuffa over det du fortel meg, seier ordførar i Suldal, Torkjel Myklebust, som i går, måndag, altså ikkje var klar over at saudapolitikarane nå ønsker å ”ta” riksvegstatusen frå suldølene.
Les meir i papirutgåva eller last ned eavis her