– Akkurat nå er det ingen grunn til å vera bekymra for ein nedgang i elevtalet i Sauda, sa Jakob Svandal, kommunalsjef oppvekst og kultur, då han informerte politikarane i kommunestyret onsdag.
Etter at det blei etablert eit asylmottak i Sauda for bare 2,5 veke sidan, har det kome fleire asylsøkar-barnefamiliar til bygda.
Ifølge Svandal vil talet på skulebarn truleg passera 35 ved årsskiftet. 27 av desse er barneskuleelevar, medan åtte er i ungdomsskulealder.
Kommunen opprettar nå tre nye introduksjonsklassar, som foreløpig vil vera asylbarnas første møte med norsk skule og norsk språkopplæring. Det blir ein klasse for 1.-3.klasse, ein for 4.-6.klasse og ein for 7.-10. klasse.
Elevane vil bli plassert på Fløgstad skule, på Risvold skule og på ungdomsskulen.
Ein klasse med elevar i alderen åtte til elleve år er alt i gang på Fløgstad skule.
Jakob Svandal seier desse elevane truleg vil bli omorganisert i meir tydelege aldersklassar når ein er klar med klasseinndelinga over nyttår.
Vil du lese meir? Last ned eavisa her eller sjå papiravisa.